Reykur er skaðaminnkandi þjónusta og stuðningur fyrir fólk sem reykir ópíóíða og örvandi vímuefni. Síminn í Reykur er 790-4455.

100% trúnaður og nafnleynd er í Reykur.

Opið er alla þriðjudaga og föstudaga kl. 19-22. Þjónustan er veitt færanlega í bíl á höfuðborgarsvæðinu. Fyrir landsbyggðina er þjónustan veitt í síma og með póstsendingu.

Þjónustan sem veitt er í Reykur:

1. Skaðaminnkandi búnaður:
   Hreinn álpappír, glerpípur + munnstykki + filter. Sótthreinsiklútar, munnvatnstöflur, varasalvi.

2. Einföld vímuefnapróf:
   Próf fyrir fentanyl og nitazene (sterkir gervi ópíóíðar).

3. Naloxone nefúði + fræðsla
   Tveir Naloxone nefúðar, ásamt fræðslubæklingi um viðbrögð við ofskömmtun.

4. Leiðbeiningar um öruggari vímuefnanotkun:
   M.a. um smitvarnir, öruggari vímuefnanotkun og leiðir til að draga úr líkum á ofskömmtun

5. Aðstoð í ópíóíðalyfjameðferð
   Umsókn í flýtimeðferð hjá SÁÁ vegna ópíóíðafíknar.

6. Aðstoð í félags- og heilbrigðisþjónustu:
   Tengja notendur við viðeigandi þjónustu og veita fræðslu um úrræði sem standa til boða.

7. Sálrænn stuðningur og spjall:

Hvernig fæ ég þjónustuna

Síminn í Reykur er 790-4455.

Höfuðborgarsvæðið: Þú hringir í okkur og við hittum á þig hvar sem er á höfuðborgarsvæðinu.

Landsbyggðin: Þú hringir í okkur og við veitum ráðgjöf og stuðning í síma og sendum þér síðan búnaðinn með pósti.

Um Reykur

Reykur er ný skaðaminnkandi þjónusta á Íslandi en sambærileg verkefni hafa verið starfrækt í áratugi erlendis, m.a. á Norðurlöndum, sem hafa sýnt fram á mjög góðan árangur.

Verkefnið var unnið í góðu samstarfi við notendur hér á landi og kemur nafnið á þjónustunni Reykur, meðal annars frá notendum. Að auki veittu erlend notendasamtök sérfræðiráðgjöf varðandi skaðaminnkandi búnað.

Reykur er sjálfboðaliðaverkefni og veita sex sjálfboðaliðar þjónustuna. Þau hafa öll reynslu á að veita skaðaminnkandi þjónustu og hafa einnig setið námskeið og fengið sérþjálfun til að starfa í verkefninu.

Reykur opnaði formlega þann 4. febrúar 2025 og fékk styrk frá Heilbrigðisráðuneytinu til setja þjónustuna á laggirnar.

Verkefnastjóri er Svala Jóhannesdóttir formaður Matthildarsamtakanna: svala@matthildurskadaminnkun.is