Samtök um skaðaminnkun og mannréttindi fólks sem notar vímuefni

Markmið Matthildarsamtakanna er að öll sem nota vímuefni hafi aðgang að gagnreyndri skaðaminnkandi þjónustu og stuðningi, til að tryggja öryggi sitt og heilbrigði.

Samtökin standa vörð um mannréttindi fólks sem notar vímuefni og berst fyrir breyttri vímuefnastefnu sem byggir á lýðheilsu, vísindalegum rannsóknum og mannréttindum.

Styrkja Samtökin

Matthildarsamtökin reka þrjú mikilvæg skaðaminnkandi verkefni: Reykur, Naloxone fræðsla í fangelsum og Matthildarteymið. Öll þjónustan er að kostnaðarlausu.

Starf samtakanna felst einnig í víðtæku málsvarastarfi á opinberum vettvangi og innan stjórnsýslunnar. Samtökin veita sérfræðiráðgjöf til stofnana, halda fræðsluviðburði og ráðstefnur með innlendum og erlendum sérfræðingum, auk þess að halda úti fræðslu á samfélagsmiðlum um skaðaminnkun og vímuefnatengd mál

Þú getur hjálpað okkur að fjármagna starf samtakanna og þannig stuðlað að áframhaldandi framgangi skaðaminnkunar á Íslandi. Hvert framlag skiptir máli!

Samtökin starfar samkvæmt lögum nr. 110/2021 um félög til almannaheilla og er skráð í almannaheillaskrá. Styrkir til samtakanna veita því skattaafslátt.

Hægt er að millifæra á Matthildarsamtökin Rk: 0537-26-008793. Kt: 650422-1120.

Hægt er að gerast Vinur Matthildar og styðja samtökin með greiðslu mánaðarlega. Slíkur stuðningur gerir okkur kleift að halda uppi öflugri þjónustu fyrir fólk sem nota vímuefni og þarf mikið á okkar aðstoð að halda.

Matthildur Jónsdóttir Kelly

Stofnaðilar Matthildarsamtakanna vildu sérstaklega heiðra Matthildi Jónsdóttur Kelley og nefndu því samtökin í höfuðið á henni. Matthildur hefur verið öflugur málsvari skaðaminnkunar um áratugabil og baráttukona fyrir réttindum fólks sem notar vímuefni. Matthildur flutti frá Íslandi til Chicago borgar um tvítugt og á persónulega reynslu af því að hafa glímt þar við þungan vímuefnavanda og heimilisleysi.

Frá ráðstefnu samtakanna um skaðaminnkun á Íslandi, haustið 2022. Stofnmeðlimir ásamt Matthildi Jónsdóttur Kelley.

Matthildur starfaði í 35 ár í Chicago borg í brautryðjandi vettvangsstarfi og HIV forvörnum, aðallega með fólki sem notar vímuefni í æð. Hún hefur jafnframt séð um þjálfun á starfsfólki í öðrum vettvangsteymum og m.a. kennt skaðaminnkun í Indónesíu á vegum Alþjóða heilbrigðisstofnunarinnar (WHO).

Matthildur býr yfir einstakri þekkingu, reynslu og visku og það er sannkallaður heiður að fá að nefna skaðaminnkunar samtök á Íslandi í höfuðið á þessari mögnuðu konu.

Matthildur var heiðursgestur á fyrstu ráðstefnu Matthildarsamtakanna, sem haldin var þann 7. september 2022 og fjallaði um skaðaminnkun á Íslandi. Þar var Matthildur jafnframt heiðruð fyrir störf sín í þágu skaðaminnkunnar.

Verkefni samtakanna

Skaðaminnkandi þjónusta og sálrænn stuðningur í skemmtana- og tónlistarlífinu á Íslandi. Áhersla er á þjónustu við fólk á fyrri stigum vímuefnanotkunar og andlegs vanlíðanar.

Fræðslu um notkun á Naloxone nefúða og áhættur ópíóíða inn á öllum göngum í fangelsum landsins. Verkefnið er unnið í samstarfi við jafninga hjá Afstöðu og Fangelsismálastofnun.

Naloxone fræðsla í fangelsum

Skaðaminnkandi þjónusta og stuðningur fyrir fólk sem reykir ópíóíða og örvandi vímuefni. Þjónustan er bæði veitt fólki á höfuðborgarsvæðinu og á landsbyggðinni.